Bakardadearen paretak
hausten ote dira inoiz
zure besoen artean galduta
egunsentia hausten den bezala?
Isildutakoak,
esan gabeko adierazpenak
ez ote daude
pentsamenduaren bide galduan
etengabe hizketan?
Kristalezko beldurrak dira
behatz puntetan ditudanak
denborak hautsiko dituen
iraganen edalontziak
bailiran
Eta etzaidazu esan gaua denik
esaidazu berriz: gaua pasa da.
Donibane Lohizune, 2015
Txuriya 
You must be logged in to post a comment.