Monthly Archives: urria 2012

Gotti


Gotti (Goizuetako gaztetxearen 20. urteurrenarentzat eginiko kanta):

Goizueta, Goizueta
bidean zoaz ttirriki-ttarraka gotti
Goizueta, Goizueta
zure baitan dena pasatzen da egoki

Zubi handiak banatzen zaitu zu,
zubi handiak elkartzen zaitu zu

Dena pasatzen da egoki
ttirriki-ttarraka Gotti
Dena pasatzen da egoki.

Goizueta, Goizueta
iraganeko garaien edertasuna
Goizueta, Goizueta
ederragoa izanen da etorkizuna

Zure hizkera eta zure kultura
baserritik herrira heldu da.

Hartu
arbasoen ohitura zaharrak
piztu
gazteen barneko izarrak
bien artean goxatzen dira ametsak
elkarrekin alaitzen dira kale ertzak

Dena pasatzen da egoki
ttirriki-ttarraka gotti
dena pasatzen da egoki.

Goizueta, Goizueta
segi aurrera ttirriki-ttarraka gotti
Goizueta, Goizueta
zure ondoan izanen gaituzu beti

Zazpi auzo, zazpi bihotz taupaka
Gaztetxearen barrenean bueltaka

Hartu
arbasoen ohitura zaharrak
piztu
gazteen barneko izarrak
etzazula inoiz galdu zure jarrera
galdu ez dadin zure herri izaera.

2011ko uda, Azkaine
Goizuetako gazteei, Iñigori.

 

Hommes et femmes de couleur


Hemen
denak mintzo dira nire izenean
Hemen
denak isiltzen dira gerturatzen naizenean

Banintzen… zer nintzen?
bizitza joan zait
iraganaz hitz egiten
galderak pausatzen
erantzunaren barnean
Hemengotarra ote naizen galdetzen didatenean
Hangotarra ote nintzen honat etorri nintzenean?

Saltzen ari naiz
Kalea dut etxe
eta lantoki
Saltzen ari naiz
koloretako loreak
eta
koloreak.

Saltzen ari naiz
iragana.

Hommes et femmes de couleur
nous sommes des hommes,
des femmes de couleur.

Donibane Lohizune 2007ko negua

Mezatua:

Entzun kanta, Esne Beltza, Noa 2010:

Bihotz zatitua


 Karrika ilunean barrena
euriz busti den lurrean pausoka
emakume bat aterkipean
etxerako bidean.
Beldurrik ez du
baina kezkaturik dihoa karrikan
bidean bakarrikan
sentitzen denean.

Bakarrik
karrikan.

Farola baten argi goibela
begiztatzen du urruntasunean
pausoen hotsak entzuten ditu
itzal bat daukala atzean.
Pausoa azkartuz
urduri jartzen ari da
baina aurrerantz dihoa,
aurrera begira
pausoa azkartuz.

Gauean gordetzen da
erasotuaren
oihu sufritua.
Gauean gordetzen da
malkoen artean
bihotz zatitua.

Karrika ilunaren ertzean
farolaren argi goibel azpian
euri tantekin bustitzen dago
emakume baten gorpua.
Ondoan aterki bat
odol putzuan giltza batzuk
odol putzuan etxeko aterik
irekiko ez duten giltza batzuk.

1999 amaitzear, Donostia

                                                                                                                         
Etzakit, Goiz edo Noiz, 2000 urtea:

Sortzen


EsneBeltza, Noa 2010:

Kate motzez ez gaituzte lotzen
bagoaz aitzina
bai!
bizi eredu berriak sortzen
hemen
eta noiznahi
gure korapiloak askatzen
zertarako segi zain?

Herri ametsak egi bihurtzen…
sortzen

Uhain ttipien itsaso hori
Kantauriko hegian
ezin da inoiz preso erori
sortzen,
sortzen
sentitzen da gazte
aske!

Inork ez du aurkituko zain

sortzen, sortzen, gazteen
sortzen, sortzen, herria
sortzen, sortzen
GaztEHerria!

2009ko negua, Donibane Lohizune

GaztEHerriaren sorrerarentzat idatzitako hitzak, zuentzat

Argazkiak: Garuna Bor-Bor

Bizitza da:
Fight
Freedom

Entzun Freedom:

Hona Bostekoa


Hatz potoloa
saltoka doa
Pasaia eta Lezon du egun pasa oparoa

Eskura du euskara.

Hatz erakusle
milaka puzzle
badiaren bost puntak non batzen diren ikusle

Eta eskura du euskara.

Hatz bihotza da
denen taupada
kresalarekin haizean hedatzen den algara

Eskura du euskara.

Hatz alferrena
lotan zaudena
zoaz anai-arrebekin bidean barrena

Eta eskura du euskara.

Hona bostekoa,
Ona!
Euskara babesteko
Eta euskaraz jolasteko
Hona Bostekoa,
Ona!
Euskaraz solasteko
Eta euskaraz bizitzeko.

Hatz ttipiari
begira adi
ikastolarekin batera egingo da handi!

Eta eskura du euskara.

Hona bostekoa,
Ona!
Euskara babesteko
Eta euskaraz jolasteko
Hona Bostekoa,
Ona!
Euskaraz solasteko

Eta euskaraz bizitzeko.

Donibane Lohizune, 2010eko hastapena
Ikastolen alde bizitza bizi izan duzuenei

Pasaia-Lezon ospatu zen 2010eko Kilometroak festaren kantua, entzun:

Urriak 7 an Andoainek beso-zabalik hartuko zaitu, On egin!